Mifta sînga te ye oy yeman o yeman
Min bi dinanê xwe vekir
Ez Hesiko, ew Meyro
Ez hivdeh salî, ew di pazdehê da
Li Zoma Biharê wê aqilê min xirand
Dema havînê qeşa helîya
Dema ji çîya ew meşîya
Dema şîn bû
Coşîya Ava Zapê
min destmal da, wê destmal da.
"Ew kindikê ha kindikê me ye
lê lê lê lê Meyro
Li ser wêdê kewek dimeşe
Ez ji bona Meyro şewitîm
Meyroka mina Ertoşî
li ser serî şara reşî
Rihê min, gula min Meyro"
Ez lawê beg, bûme şivan
Li pey bizinên reş,
ji bona xatirê çavê wê.
Di şevînan de bêxew,
li dora konê wan gerîyam
Li ser gelak kanîyan û avan re derbas bûm.
Min ji avên cemidî venexwar, şewitîm
Û ez hatim ber pêpelûka wê,
Ez xapandim.
Fîstanê qedîfe li xwe dike
Li Cîlo bisekine, sorê wî ji Satê xûya dike
Rûyê wê Gola Gelyano ye, bê his û deng û ronî
Çavên wê sosin in.
Ez ketim reqsa Gulşenî yê ji bo wê
Di stranan de min evîna xwe got
Ji qereqola Zapê heta Avaspî
Ez zanim xwe bigihînim lûtkeyan
Kûvî hevalanên min
Wexta xwe di tewînin avê, ji sîya min natirsin.
War ên me çiqas xweş in, warên me yên xweş
Jin û mêrên me egîd in
Divê ceger û dil hebe li van çîyayên asê
ji bo ku mirov karibe bi zivistanên har re şer bike
Ji bo ku mirov karibe bi hevalên tere dîn ra şa bibe
Eşîrên me li hemberî hev carinan dost in, gelek caran dijmin,
Dostkî, Oremar, Pînyanîş
Jîrkî, Gewdan, Mamxuran
Lê Meyroka min Ertoşî
Bi çek û rext e, kêrî xwe tê ew
hildilberînê û li gor heq belav dike.
Sê tiştan dizane: Evîn, şer û hevaltî.
Şer û hevaltî, Ganî Berganî
Wexta keskê rengê guheran zer e
Zoman Payîzê xwe berda gelîyên kûr
Bavê min çû ber derîyê bavê wê
xelat dan, hurmet dît
-Keça min rihek e, min qurbanî rêya te kir
-Meyro riheke, me ew tevlî rihê kir
Hîn nehatî gotin
hîn dawolê lê nexistî
Avêtin ser konên me
Dijminên me yên hespê wan enî kever
Û kuştin bavê Meyro
Û kuştin bira û mamên Meyro
Weke Mem ji bo Zînê şewitî
Ez jî wilo şewitîm Meyro
Rabû min ew revand
ji Wanê, di ser Mûş û Dîyarbekir ra
Rexne û nirxandin 